• Facebook
  • Twitter
  • YouTube
  • Instagram

டானா டோராஜா : மரணத்திற்கு அப்பாற்பட்ட காதல்


இந்தோனேசியாவின் தெற்கு சுலவேசியின் என்ற மலைப்பிரதேசத்திற்கு பூர்வீகமான இனக்குழுவினர்தான் இந்த டோராஜன்கள். அவர்களின் மக்கள் தொகை சுமார் 11,00,000 ஆகும். இவர்களில் 4,50,000 பேர் டானா டோராஜா பிரதிநிதியாட்சியில் வாழ்கின்றனர். இப்பகுதியை "டோராஜாவின் நிலம்" (Land of Toraja) என்றும் அழைக்கப்படுகிறது. டோராஜா என்ற சொல் புகினீஸ் மொழி வார்த்தை ரியாஜா என்பதிலிருந்து வந்தது. இதன் பொருள் "மலையக மக்கள்". 1909ல் டச்சு காலனித்துவ அரசாங்கம் இம்மக்களுக்கு டோராஜா என்று பெயரிட்டது.


டோங்கொனன் வீடு

டோங்கொனன் என்பது பெரிதாக்கப்பட்ட தனித்துவமான வடிவ மற்றும் சேணம் கூரையைக் கொண்டுள்ள பாரம்பரிய மூதாதையர் வீடு ஆகும். இதனுடைய கட்டுமானம் மிகவும் கடினமான வேலையானது. இது பொதுவாகவே, குடும்ப உறுப்பினர் அல்லது நண்பர்களின் உதவியால் குவியல்களால் கட்டப்படும். டோராஜா சமூகத்தில் உண்ணதமாணவர்கள் மட்டுமே டோங்கொனன்களை கட்டும் உரிமையை கொண்டவர்கள். பனுவா எனப்படும் சிறிய குறைந்த அலங்கரிக்கப்பட்ட வீடுகளில் பொதுவானவர்கள் வாழ்கின்றனர்.




ரம்பு சோலோ

ரம்பு சோலோ என்பது தானா டோராஜா சமூகத்தின் மரணத்திற்கான ஒரு பாரம்பரிய விழாவாகும். இவ்விழா மரணத்தை மேம்படுத்தும் என்று நம்பப்படுகிறது ஏனெனில் விழாவின் முழு ஊர்வலமும் நிறைவேறினால்தான் இறந்த நபர் உண்மையில் இறந்துவிட்டார் என்று கருதப்படுகிறது. இல்லையென்றால் இறந்த நபர் ஒரு நோய்வாய்ப்பட்ட அல்லது பலவீனமான நபராக மட்டுமே கருதப்படுவார். எனவே அவர் இன்னும் ஒரு உயிருள்ள நபரைப் போலவே நடத்தப்படுகிறார். இறந்தவர்களை ஒரு படுக்கையில் படுக்க வைத்து உணவு மற்றும் பானங்கள் கொடுத்தும் மற்றும் பேசுவதற்கும் அழைக்கப்படுகிறார். பணக்கார நபராக இருந்தால் அவருடைய இறுதிச் சடங்கு மிகவும் விலை உயர்ந்ததாக இருக்கும்.  ஒரு நபருடைய சமூக அந்தஸ்து ஏற்ப இந்த பாரம்பரியம் பல நாட்கள் நீடிக்கும்.



மாட்டிங்கோரோ டெடோங் (Ma’tinggoro Tedong)

மாட்டிங்கோரோ டெடோங் (எருமை படுகொலை) என்பது ராம்பு சோலோ சடங்கின் தொடர்ச்சியான நிகழ்வுகளில் ஒன்றாகும். எருமையின் கழுத்தை ஒரே வெட்டில் மூலம் இது மேற்கொள்ளப்படுகிறது. அலுக் டோடோலோ என்ற மூதாதையரின் நம்பிக்கை என்னவென்றால் பிற்பட்ட வாழ்க்கை (பூயா) எருமைகள் சடல ஆவியை பயணிக்க உதவும் விலங்குகள் என்று நம்பப்படுகிறது. சண்டை இரண்டு எருமைகளுக்கு இடையில் நடையப்பெறும். இதில் ஒரு எருமை கொல்லப்பட்டால் சண்டை முடிவடையும், கொள்ளப்படாமல் இருந்தால் பொதுவாக தோற்கடிக்கப்பட்ட எருமை அரங்கிலிருந்து வெளியேறிவிடும்.



மானேனே (Ma’nene)

மானேனே என்பது முன்னோர் சடலங்களின் ஆடைகளை மாற்றுவதற்கான ஒரு பாரம்பரிய விழா. பொதுவாக இவ்விழா ஆகஸ்ட் மாதத்தில் மூன்று வருடங்களுக்கு ஒரு முறை நடைபெறும். இது மேற்கொள்ளப்படும் போது, முன்னோர்களின் சவப்பெட்டிகள் கல்லறைகளிலிருந்து அகற்றப்பட்டு சடங்கு அரங்கில் வைக்கப்படும். இறந்தவர்களின் எலும்புகள் மற்றும் குறைக்கப்படாத சடலங்கள் கழுவுவதன் மூலம் சுத்தம் செய்யப்படுகின்ற. பின்னர் துணிகள் மாற்றப்படுகின்றன. வழக்கமாக துணிகளை பேரக்குழந்தைகள்தான் இவர்களுக்கு வழங்குவார்கள். இவர்களின் சடலம் இன்னும் உயிருடன் இருப்பதாகவும் குடும்பத்தின் ஒரு பகுதியாகக் கருதப்படுகிறார்கள். இந்த செயல்பாடு முப்பது நிமிடங்கள்வரை மேற்கொள்ளப்படுகிறது. முன்னோர்களின் சடல ஆடைகளை மாற்றிய பிறகு, மக்கள் ஒன்றாககூடி உணவை உண்ணுவார்கள். உறவினர்கள் பாதுகாப்பு வேண்டும் என்று கோரி ஏராளமான உணவு கொடுத்து ஜெபிக்கிறார்கள்.

லுப்னா சுரையா


Subscribe to Our YouTube Channel

  • Facebook
  • Twitter
  • Instagram
  • YouTube

© 2023 by Trichy Outlook. Proudly created by pewee studios